پاکستان کرکٹ بورڈ سیالکوٹ نوں پی ایس ایل وچ بطور 6ویں شامل کرن دا خاہشمند

لاہور(پاکستان پوائنٹ نیوز13۔دسمبر2016ء) پاکستان سپر لیگ (پی ایس ایل) دے چیئرمین نجم سیٹھی دا کہنا اے کہ پی ایس ایل وچ 6ویں ٹیم دے طور اُتے سیالکوٹ نوں شامل کرنا چاہندے آں۔ تفصیل دے مطابق میڈیا نال گل بات کرد ے ہوئے نجم سیٹھی دا کہنا سی کہ پی ایس ایل وچ ساریاں فرنچائز دے مالک 6ویں ٹیم دی رلت دے خلاف نیں، اوہناں دے خیال وچ ایس طرحاں اوہناں دی آمدن گھٹ ہو جائے گی کیوں جے 5دی بجائے 6ٹیماں وچ پیسے ونڈنے پین گے۔ نجم سیٹھی دا کہنا سی کہ پاکستان سپر لیگ وچ 6ویں ٹیم شامل کرن دا پی سی بی نوں فائدا اے پر اسیں قانون مطابق ٹُرنا اے ایس لئی لیگ دے تیجے ایڈیشن وچ 6ویں شامل کر سکاں گے۔