کولکتہ(پاکستان پوائنٹ نیوز10۔دسمبر2016ء) قومی ٹیم دے سابق کپتان وسیم اکرم انڈین پریمئر لیگ دے اگلے ایڈیشن وچ کولکتہ نائٹ رائیڈرز لئی دستیاب نہیں ہون گے۔ تفصیل دے مطابق کولکتہ نائٹ رائیڈرز دے مینجگ ڈائریکٹر تے سی ای او وینکے میسوری دے مطابق لیجنڈری فاسٹ باﺅلر ذاتی مصروفیات دی وجہ توں چالو ورھے ٹیم دے باﺅلنگ کوچ دے طور اُتے دستیاب نہیں ہون گے۔
دوجے پاسے وسیم اکرم نے وی خبر دی تصدیق کردے ہوئے آکھیا اے کہ اوہناں نوں کولکتہ نال کم کر کے چنگا لگا تے اوہدے نال لنگھایا ویلا یاد رہوے گا۔ یاد رہوے کہ 50ورھیاں دے وسیم اکرم 2010توں کولکتہ نائٹ رائیڈز نال جُڑے ہوئے سن تے اوہناں نے 2012تے 2014وچ ٹیم نوں جتوان وچ نمایاں کردار ادا کیتا سی، قومی ٹیم دے سابق کپتان ہن پاکستان سپر لیگ دی جِتن والی فرنچائز اسلام آباد یونائیٹڈ نال جُڑے ہوئے نیں۔
