پی سی بی دیاں ویسٹ انڈیزتے سری لنکن ٹیم نوں دورا پاکستان لئی راضی کرن دیاں کوششاں

لاہور(پاکستان پوائنٹ نیوز10۔دسمبر2016ء) پاکستان کرکٹ بورڈ نے ویسٹ انڈیز تے سری لنکن کرکٹ ٹیم نوں دورا پاکستان لئی راضی کرن دیاں کوششاں شروع کر دِتیاں نیں۔ وسیلیاں دے مطابق اگلے ورھے فروری وچ پاکستان سپر لیگ (پی ایس ایل) دے دوجے ایڈیشن دے بعد پی سی بی ایہناں دوواں ٹیماں وچوں کسے اک دی میزبانی کرن دا خاہشمند اے جہدے لئی اوہنے پردے پِچھے رابطے شروع کر دِتے نیں۔ یاد رہوے کہ ویسٹ انڈیز نال سیریز دی پہلے وی گل بات چلی سی پر معاملات اگانہ نہ ودھ سکے۔ پی سی بی ایگزیکٹو کمیٹی دے رکن نجم سیٹھی پہلے ای آکھ چکے نیں کہ کرکٹ بورڈ آن والے ورھے کسے وڈی ٹیم دے دورا پاکستان دے حوالے نال پر امید اے۔