کینز(پاکستان پوائنٹ نیوز08۔دسمبر2016ء) 3دِنا ٹور میچ دے پہلے دن دے کھیڈ دوران پاکستان نے آسٹریلیا خلاف اپنی پوزیشن مضبوط کر لئی۔تفصیل دے مطابق کیزلیز سٹیڈیم، کینز وچ جاری مقابلے دوران پاکستانی کپتان مصباح الحق نے ٹاس جِت کے پہلے کھیڈن دا فیصلا کیتا پر ٹاپ آرڈر بلے باز وڈی واری کھیڈن وچ ناکام رہے تے پوری قومی ٹیم صرف 208سکور اُتے آﺅٹ ہو گئی۔
میچ دوران سمیع نے 10، اظہر علی23، بابر اعظم 16، یونس خان 54، مصباح الحق 20، اسد شفیق 18جدکہ سرفراز احمد 39سکور بنا ئے۔ آسٹریلیا اے لئی کیمرون ویلنٹے نے چار، مارک سٹیکٹیے نے تن جدکہ وینلی، لیس تے نائر نے اک اک کھڈاری نوں آﺅٹ کیتا۔ جواب وچ پاکستانی فاسٹ باﺅلرز خاص کر عامر نے کینگروز ٹاپ آرڈر دیاں دھجیاں اُڈا دِتیاں تے دن دے آخیر اُتے میزبان ٹیم صرف تن سکور اُتے اپنیاں 4وکٹاں گوا چکی اے۔ محمد عامر نے 3جدکہ راحت علی نے اک کھڈاری نوں آﺅٹ کیتا۔
