ممبئی(پاکستان پوائنٹ نیوز08۔دسمبر2016ء) بھارت تے انگلینڈ وچکار ممبئی وچ کھیڈے جا رہے چوتھے ٹیسٹ میچ دے دوران آسٹریلیوی امپائر پال رائفل گیند وَجن نال زخمی ہو گئے۔ تفصیل دے مطابق وانکھیڈے سٹیڈیم، ممبئی وچ کھیڈے جا رہے مقابلے وچ برطانوی اوپنر جینگز نے روی ایشون دی گیند نوں سکوائر لیگ ولوں کھیڈ کے اک سکو ر پورا کیتا جتھوں فلیڈ وچ سُٹی گئی گیند لیگ امپائر پال رائفل دے سِر دے پِچھلے پاسے آ وَجی تے اوہ زمین اُتے ڈِگ گئے پر کُجھ دیر بعد ای اُٹھے، ایس موقعے اُتے برطانوی میڈیکل سٹاف نے فوری طور اُتے پال رائفل نوں مڈھلی امداد دِتی جہدے بعد اوہ گراﺅنڈ توں باہر چلے گئے تے تھرڈ امپائر موریس ایمرسمس نے اوہناں دی تھاں امپائرنگ دیاں ذمے واریاں سنبھالیاں۔
یاد رہوے کہ ایس توں پہلے وی بھارت وچ ڈومیسٹک میچاں دے دوران امپائرز دے سِروچ گیند وَجن دے واقعات پیش آ چکے نیں۔
