جہاز حادثے نے قومی کرکٹرز نوں وی غم وچ مبتلا کر دِتا

کینز(پاکستان پوائنٹ نیوز08۔دسمبر2016ء) پاکستان انٹرنیشنل ائر لائنز (پی آئی اےں) دے جہاز حادثے نے قومی کرکٹرز نوں وی غم وچ مبتلا کر دِتا۔ تفصیل دے مطابق آسٹریلیا خلاف تن دِنا پریکٹس میچ توں پہلے قومی ٹیم دے کھڈاریاں حادثے وچ شہید ہون والے بندیاں لئی اک منٹ لئی چُپ رہے۔ کھڈاری بانہواں اُتے کالیاں پٹیاں بنھ کے میچ وچ رلت کرن گے۔ یاد رہوے کہ پی آئی اے دا مسافر جہاز پچھلے دیہاڑے چترال توں اسلام آباد آﺅندے ہوئے حویلیاں دے نیڑے ڈِگ کے تباہ ہو گیا سی، جہاز تباہ ہون دے نتیجے وچ مشہور نعت خواں جنید جمشید سنے 47بندے شہید ہو گئے۔