برطانوی آل راﺅنڈر بین سٹوکس دی پاکستان سپر لیگ دا دوجا سیزن نہ کھیڈن دی وجہ ساہمنے آ گئی

لاہور(پاکستان پوائنٹ نیوز03۔دسمبر2016ء) برطانوی آل راﺅنڈر بین سٹوکس دے پاکستان سپر لیگ دا دوجا سیزن نہ کھیڈن دی وڈی وجہ ساہمنے آ گئی اے۔ تفصیل دے مطابق پاکستان سپر لیگ (پی ایس ایل) دے چیئرمین نجم سیٹھی نے سرکاری سپورٹس چینل نال گل بات کردے ہوئے دسیا کہ سٹوکس دا ناں پی ایس ایل دے ڈرافٹس وچ شامل سی پر اسلام آباد یونائیٹڈ تے لاہور قلندرز دی انتظامیا وچکار اوہناں نوں اپنے اپنے سکواڈ وچ شامل کرن دی ضِد چل رہی سی ، جس پاروں اوہ ایس ایونٹ دا حصہ نہیں بن سکن گے۔