ویلنگٹن(پاکستان پوائنٹ نیوز10۔نومبر۔2016ء) نیوزی لینڈ نے پاکستان خلاف پہلے ٹیسٹ میچ لئی سکواڈ دا اعلان کر دِتا۔ اوپنر مارٹن کپٹل 13رکنی سکواڈ وچ تھاں بنان وچ ناکام رہے، اوہناں دی تھاں آکلینڈ دے جیت راویل نوں سکواڈ وچ شامل کیتا گیا اے۔ لیفٹ آرم سپنر مچل سیتنر دے انجرڈ ہون دے بعد سپن باﺅلنگ دی ذمے واری لیگ سپنر ٹوڈایسٹل نوں مل گئی اے جہنوں اش سوڈھی اُتے ترجیح دِتی گئی اے، ایسٹل نے اپنا واحد ٹیسٹ میچ چار ورھے پہلے نومبر 2012نوں کولمبو وچ سری لنکا دے خلاف کھیڈیا سی، اوہناں نے 3حالیا فرسٹ کلاس میچاں وچ 18.07دی اوسط نال 14وکٹاں لتیاں نیں۔
اوہناں دے علاوا آل راﺅنڈر کولن ڈی گرینڈ وی ہوم سکواڈ وچ تھاں بنان وچ کامیاب رہے نیں۔ پہلے ٹیسٹ لئی کیوی سکواڈ وچ کپتان کین ولیمسن، ٹام لیتھم، جیت راویل، روس ٹیلر، ہینری نکولس، جمی نیشم، بریڈلی جان واٹلنگ، ٹوڈایسٹل، میٹ ہینری، نیل ویگنر، ٹرینٹ بولٹ، تم ساﺅتھی تے کولن ڈی گرینڈ ہوم وچ شامل نیں۔
