نیوزی لینڈ نوں پہلے ٹیسٹ وچ ہرا کے سیریز دی شروعات جِت توں کراں گے: یونس خان

نیلسن(پاکستان پوائنٹ نیوز11۔نومبر۔2016ء) پاکستان کرکٹ ٹیم دے بلے باز یونس خان نے آکھیا اے کہ نیوزی لینڈ نوں پہلے ٹیسٹ وچ ہرا کے سیریز دی شروعات جِت توں کراں گے۔ اوہناں نے آکھیا کہ میزبان ٹیم نوں ہران لئی کھڈاریاں نوں کھیڈ دے سارے شعبیاں وچ چنگی کارکردگی وکھانی ہووے گی۔ یونس خان نے آکھیا کہ کیویز نوں اوہناں دی زمین اُتے ہرانا کسے چیلنج توں گھٹ نہیں پر اسیں پوری تیاری نال میدان وچ اُتراں گے۔ اوہناں نے آکھیا کہ میزبان ٹیم نوں ٹف ٹائم دیاں گے۔ یاد رہوے کہ پاکستان تے نیوزی لینڈ دیاں ٹیماں وچکار دو ٹیسٹ میچاں دی سیریز اُتے مشتمل پہلا میچ 17نومبر توں کرانسٹ چرچ وچ شروع ہووے گا ۔