دبئی(پاکستان پوائنٹ نیوز27۔ستمبر۔2018ء) پاکستان کرکٹ ٹیم دے کپتان سرفراز احمد نے آکھیا اے کہ میری کارکردگی وی ناقص رہی جیہدی وجہ توں ٹیم ہار گئی پر ٹیم تے کپتان بنانا سلیکشن کمیٹی دا کم اے، میں کھیڈ رہیا واں تے کھیڈدا رہواں گا۔ سرفراز احمد اپنی پرفارمس بارے بار بار سوال اُتے غصے وچ آ گئے تے آکھن لگے کہ کِنی وار آکھ چکیا واں میری کارکردگی خراب رہی اے۔
فخر زمان تے شاہین شاہ آفریدی دے حوالے نال سوال اُتے سرفراز احمد دا کہنا سی کہ شاہین نوں پورا موقع دتا اوہنے اپنیاں صلاحتاں نوں ثابت کیتا جدکہ سال بھر فخر زمان بہترین کھڈاری سی۔ اوہناں نے آکھیا کہ بحیثیت ٹیم اسیں چنگا نہیں کھیڈے، اسیں تِنوں شعبیاں و چ چنگا نہیں کھیڈیا، بیٹنگ ضرور چنگی کرنی پئے گی تے چنگیاں ٹیماں خلاف چنگا کھیڈنا پئے گا۔ یاد رہوے کہ سپر 4مرحلے دے میچ وچ بنگلا دیش نے پاکستان نوں 37سکوار توں ہرا کے فائنل دے کوالیفائی کر لیا۔
