لاہور(پاکستان پوائنٹ نیوز26۔ستمبر۔2018ء) سپاٹ فکسنگ سکینڈل وچ سزا یافتہ کرکٹر ناصر جمشید نے دس ورھیاں دی لگی پابندی خلاف اپیل دائر کر دتی۔تفصیل مطابق سپاٹ فکسنگ سکینڈل وچ سزا یافتہ کرکٹر ناصر جمشید نے اپنے وکیل راہیں پی سی بی وچ اپیل دی درخاست جمع کروائی اے۔ درخاست وچ سابق ٹیسٹ کرکٹر نے موقف اختیار کیتا کہ اوہناں نال امتیازی سلوک کیتا گیا اے تے جو دس ورھیاں دی سزا سنائی گئی اے اوہنوں منسوخ کیتا جائے۔
کرکٹر نے آکھیا کہ میرے اُتے میچ فکسنگ لئی اُکسان دا الزام لا کے دس ورھیاں دی پابندی لا دتی گئی ۔ پاکستان سپر لیگ وچ رلت نہیں کیتی تے نہ ای کسے کھڈاری نوں غلط کم کرن اُتے اُکسایا ، جو لوک فکسنگ وچ قصور وار قرار پائے اوہناں نوں دو توں پنج سال دیاں سزاواں دتیاں گئیاں ، میں کُجھ نہیں کیتا ، مینوں دس سال لئی بین کر دتا گیا۔
