کراچی(پاکستان پوائنٹ نیوز20۔اپریل2018ء) آمدن توں ودھ اثاثے بنان تے ٹیکس گھٹ دین دے الزاماں تحت ایف بی آر نے پاکستانی کرکٹ ٹیم دے سابق کپتان شاہد آفریدی خلاف تحقیقات شروع کر دتیاں نیں۔ وسیلیاں مطابق منی لانڈرنگ تے ٹیکس چوری دی اطلاع مگروں ایف بی آر نے شاہد آفریدی خلاف تحقیقات شروع کر دتیاں نیں۔ ایف بی آر نے شاہد آفریدی خلا ف اینٹی منی لانڈرنگ دے تحت الزام لاؤندے ہوئے اوہناں دے سارے بنک اکاؤنٹس، ہور کاروباری معاملات، کرکٹ توں کمائی جان والی دولت لُکان تے ٹیکس چوری کرن دے معاملات دیاں تحقیقات شروع کر دتیاں نیں۔
ایف بی آر نے پہلے مرحلے وچ شاہد آفریدی دے سارے بنک اکاؤنٹس تے مالیاتی لین دین دیاں تفصیلاں حاصل کر لئیاں نیں پر ثبوت حاصل کرن مگروں اوہناں نوں باقاعدہ تفتیش لئی سدیا جا سکدا اے۔ جے شاہد آفریدی خلاف ماڑی موٹی ہیرا پھیری ثابت ہوئی تے اوہناں نوں پیسے جمع کروان دا نوٹس جاری کیتا جائے پر جے اوہناں اُتے منی لانڈرنگ دا الزام ثابت ہو گیا تے فیر مقدمہ درج کیتا جائے گا۔
