پاکستان کیوں گئے؟افغان کرکٹ بورڈ نے محمد شہزاد نوں سزا سنا دتی

پاکستان کیوں گئے؟افغان کرکٹ بورڈ نے محمد شہزاد نوں سزا سنا دتی

لاہور(پاکستان پوائنٹ نیوز14۔اپریل2018ء) افغان کرکٹ بورڈ نے بغیر اجازت پاکستان دا سفر کرن والے اپنے وکٹ کیپر و بلے باز محمد شہزاد نوں جرمانہ دی سزا سُناندے ہوئے کیریئر ختم کرن دی دھمکی دے دتی اے۔ میڈیا رپورٹس مطابق محمد شہزاد بورڈ دی اجازت دے بغیر پاکستان آئے تے پشاور وچ اک کلب نال میچ وچ حصہ لیا، جیہدے اُتے افغان کرکٹ بورڈ نے اوہناں نوں 3لکھ رُپئے جرما نہ کرن دے نال نال دھمکی دتی جے اوہ اگانہہ توں پاکستان گئے تے اوہناں دا انٹرنیشنل کیریئر ختم ہو جائے گا۔محمد شہزاد نوں ایہ سزا افغان کرکٹ بورڈ دے وائس چیئرمین نے سنائی اے۔ چیتے رہوے کہ 30ورھیاں دے محمد شہزاد افغان کرکٹ ٹیم دے اہم رکن نیں۔