لاہور(پاکستان پوائنٹ نیوز05۔اپریل2018ء) سابق کپتان شاہدی آفریدی دا کہنا اے کہ آئی پی ایل کھیڈن اُتے لعنت بھیجنا واں۔ تفصیل مطابق منگل دے دیہاڑے پاکستان دے عالمی شہرت یافتہ آل راؤنڈر و سابق کپتان شاہد آفریدی نے ٹویٹ کردے ہوئے مقبوضہ کشمیر دی چالو صورتحال نوں پریشان کن قرار دتا سی۔ جیہدے مگروں بھارتی میڈیا نے شاہد آفریدی خلاف اک پراپیگنڈا شروع کیتا تے شاہدی آفرید نوں آئی ایس آئی دا بندہ قرار دے دتا۔
بھارت وچ اپنے خلاف پراپیگنڈا شروع ہون مگروں شاہد آفریدی دا کہنا سی کہ میں کشمیر بارے اپنے بیان اُتے قائم آں۔ میں آئی پی ایل کھیڈن اُتے لعنت بھیجنا واں۔ جے مینوں سدیا وی گیا تے میں آئی پی ایل نہیں کھیڈاں گا۔ ساڈی پی ایس ایل اک وڈی لیگ تے اوہ دن دور نہیں جدوں پاکستان سپر لیگ بھارتی لیگ توں وڈی ہوئے گی۔ شاہد آفریدی نے ایہ وی آکھیا کہ کُجھ بھارتی کھڈاری میری کردار کشی کر رہے نیں پر مینوں اوہناں دی کوئی پرواہ نہیں۔
