دلی خشی ہوئے گی جے کوئی کشمیری تیز ترین گیند کروان دا ریکارڈ توڑے: شعیب اختر

اسلام آباد(پاکستان پوائنٹ نیوز06۔فروری2018ء) قومی ٹیم دے سابق سپیڈ سٹار شعیب اختر دا کہنا اے کہ مینوں دلی خشی ہوئے گی جے اک کشمیری میرا تیز ترین گیند کروان دا ریکارڑ توڑے۔ نجی ٹی وی دے پروگرام وچ مجمان نے شعیب اختر توں سوال کیتاکہ تہانوں امید اے کہ سلمان ارشد تہاڈا تیز ترین گیند کروان دا ریکارڈ توڑ سکدا اے؟ جواب وچ شعیب اختر نے آکھیا کہ اج سلمان 92میل فی گھنٹے دی رفتار نال گیند کروا رہیا اے۔ کل 97دے حساب نال گیند کر سکدا اے، جے دل کیتا تے 100میل دی رفتار نال گیند کر کے میرا ریکارڈ توڑ دیوے۔ اک کشمیری دے ایہ کم کرن اُتے مینوں بہت خشی ہوئے گی تے پتا نہیں کہ ’کتھے کتھے‘ دلاں وچ چھڑیاں وجن گیاں۔ شعیب اختر دا ہور کہنا سی کہ میں آپ سلمان نوں ٹریننگ دیواں گا تے چاہواں گا کہ اوہ میر اریکارڈ توڑے۔ شعیب اختر دا ہور کہنا سی کہ ہر کشمیری جانشین اے تے اسیں کشمیر دے جانشین آں۔