سڈنی(پاکستان پوائنٹ نیوز06۔فروری2018ء) قومی ٹیم دے ہیڈ کوچ مکی آرتھر دا کہنا اے کہ ویرات کوہلی لئی پاکستان وچ سنچری سکور کرنا آسان نہیں ہوئے گا۔ بھارتی کپتان چنگے بیسٹمین نیں پر پاکستانی باؤلرز اپنے ہوم گراؤنڈ اُتے اوہناں لئی اوکڑاں کھڑیاں کر دین گے۔ چیتے رہوے کہ ویرات کوہلی جنوبی افریقا خلاف کیریئر دی 33ویں ون ڈے سنچری کردے نال ای سچن ٹنڈولکر تے سنتھ جیا سوریا دے برابر اپڑ گیا اے۔
جو 9مکمل رکن ملکاں خلاف اوہناں دی بھوئیں اُتے سنچری بنان دا اعزاز رکھدے نیں۔ کوہلی انٹرنیشنل کرکٹ وچ 54سنچریاں بنا کے آل ٹائم کرکٹرز دی لسٹ وچ 5ویں نمبر اُتے جا اپڑے پر بدقسمتی نال اوہناں نوں اجے تیکر پاکستانی بھوئیں (زمین) اُتے سنچری بنان دا موقع نہیں ملیا جتھے 2009وچ سری لنکن ٹیم اُتے حملے مگروں انٹرنیشنل میچاں نہیں کھیڈے جا سکے۔ بھارتی ٹیم پاکستان آخری وار 2005-06وچ آئی سی۔مکی آرتھر نے کوہلی دے مستقبل بارے گل بات کردے ہوئے آکھیا کہ ویرات کوہلی لئی پاکستان وچ سنچری سکور کرنا آسان نہیں ہوئے گا۔
