قومی کرکٹر شعیب ملک نیوزی لینڈ خلاف ٹی20سیریز توں باہر

نیوزی لینڈ(پاکستان پوائنٹ نیوز20۔جنوری2018ء) قومی ٹیم دے کھڈاری شعیب ملک نیوزی لینڈ خلاف ٹی 20سیریز توں آؤٹ ہو گئے۔ تفصیل مطابق پی سی بی نے شعیب ملک نوں 7توں دس دن آرام دا مشورہ دتا اے۔ پی سی بی وسیلیاں دا کہنا اے کہ ٹورمینجمنٹ کمیٹی نے فزیو تھراپسٹ نال مشورے مگروں شعیب ملک نوں واپس گھلن دا فیصلا کیتا۔چیتے رہوے کہ شعیب ملک ہیملٹن وچ چوتھے ون ڈے میچ دوران فیلڈرز دی گیند سِر اُتے وجن نال زخمی ہوئے سن۔ زخمی ہون دی وجہ توں شعیب ملک 5واں ون ڈے میچ وی نہیں کھیڈ سکے سن۔ وسیلیاں نے دسیا کہ شعیب ملک اک دو دن وچ ملک واپس آ جان گے۔ایس توں وکھ پاکستان تے نیوزی لینڈ وچکار ٹی 20سیریز پیر توں شروع ہوئے گی۔