لاہور(پاکستان پوائنٹ نیوز17۔جنوری2018ء) قومی ٹیم دے سابق فاسٹ باؤلر شعیب اختر دے ناں توں سبھ ای جانو نیں پر اوہناں دی بیوی رباب بارے کوئی وی اینا نہیں جاندا تے نہ ای اج تیکر میڈیا ساہمنے اوہ آئیاں نیں۔ رباب 23جون 1994نوں خیبرپختونخوا دے علاقے ہری پور دے اک کاروباری و مذہبی گھرانے وچ پیدا ہوئیاں۔اوہناں 24جون 2014نوں دنیا دے تیز ترین باؤلر شعیب اختر نال ویاہ کیتا۔
ویاہ ویلے شعیب اختر دی عمر 38ورھے دی سی جدکہ رباب شعیب توں تقریبن ادھی عمر دی سی پر دوویں خشی نال زندگی لنگھا رہے نیں تے اوہناں دا اک پُتر وی اے۔ شعیب اختر دی رباب دے والد مشتاق نال 2013وچ حج دوران ملاقات ہوئی جتھے شعیب نے اوہناں نوں کوئی چنگی جہی کُڑی لبھن لئی آکھیا پر ایہ قسمت دا ای کھیڈ سی کہ شعیب دا ویاہ رباب نال ہو گیا۔
