محمد حفیظ دی نیوزی لینڈ خلاف سیریز لئی ٹیم وچ رلت خطرے وچ پے گئی

کراچی(پاکستان پوائنٹ نیوز23۔دسمبر2017ء) قومی ٹیم دے سینئر بلے باز محمد حفیظ دی نیوزی لینڈ خلاف سیریز لئی ٹیم وچ رلت خطرے وچ پے گئی اے۔ تفصیل مطابق محمد حفیظ دے باؤلنگ ایکشن اُتے پابندی لگن مگروں اوہناں اپنا سارا دھیان بلے بازی ول کر لیا سی کیونکہ اوہی اوہناں دے قومی ٹیم وچ رہن دا وسیلا سی پر ہن اِنج لگ رہیا اے کہ محمد حفیظ دیاں اوکڑاں وچ ہور وادھا ہو گیاا ے کیونکہ محمد حفیظ قائداعظم ٹرافی دوران پہلی اننگز وچ 12سکور بنا کے واپس پرتن مگروں دوجی اننگز وچ وی صرف چار سکور بنا سکے نیں جہدے مگروں ہن ایہ سوال چُکیا جا رہیا اے کہ کیہ محمد حفیظ نوں بلے باز دے طور اُتے ٹیم وچ لیانا ٹھیک ہوئے گا یاں فیراوہناں دی تھاں کسے نوجوان بلے باز یاں آل ڑاؤنڈر نوں ٹیم وچ لیا کے اوہنوں موقع دینا چاہیدا۔