ابوظہبی(پاکستان پوائنٹ نیوز16۔اکتوبر2017ء) پاکستان نے دوجے ون ڈے وچ سری لنکا نوں جِت لئی 220سکور دا ٹارگٹ دے دتا اے۔ تفصیل مطابق ابوظہبی وچ جاری دوجے ون ڈے میچ وچ پاکستان نے سری لنکا خلاف ٹاس جِت کے پہلے بیٹنگ دا فیصلا کیتا۔ پاکستان ولوں اننگز دی شروعات فخر زمان تے احمد شہزاد نے کیتی پر فخر زمان 17دے مجموعی اُتے 11سکور بنا کے آؤٹ ہو گئے۔ کُجھ دیر بعد احمد شہزادتے محمد حفیظ وی.8 8سکور بنا کے آؤٹ ہو گئے۔
حفیظ دے آؤٹ ہون مگروں شعیب ملک تے کپتان سرفراز احمد وی وکٹ اُتے بُہتی دیر نہ ٹِک سکے تے 73دے مجموعی سکور اُتے دوویں کھڈاری واپس پرت گئے۔ شعیب ملک نے 11تے سرفراز احمد نے 5سکور بنائے۔ عماد وسیم وی 10سکور بنا کے آؤٹ ہو گئے۔ بابراعظم نے شاداب خان نال 7ویں وکٹ لئی 109سکور جوڑدے ہوئے اپنی 7ویں ون ڈے سنچری وی مکمل کیتی۔
