ابوظہبی(پاکستان پوائنٹ نیوز16۔اکتوبر2017ء) قومی ٹیم دے نوجوان بلے باز بابر اعظم نے ون ڈے کرکٹ وچ گھٹ اننگز وچ 7سنچریاں کرن دا ریکارڈ بنا دتا اے۔ 23ورھیاں دے بابر اعظم نے سری لنکا خلاف ابوظہبی وچ جاری دوجے ون ڈے میچ دوران اپنے ون ڈے کیریئر دی 7ویں سنچری کیتی جہدے لئی اوہناں نے صرف 33اننگز دا سہارا لیا۔ یاد رہوے کہ ایس توں پہلاں گھٹ ترین اننگز وچ 7ون ڈے سنچریاں بنان دا ریکارڈ سابق جنوبی افریقی کپتان ہاشم آملا کول سی، جہناں نے 41اننگز وچ 7سنچریاں کیتیاں سن۔
ایشین بریڈمین ظہیر عباس 42‘ جنوبی افریقی وکٹ کیپر و بلے باز کوئنٹن ڈی کوک 50تے سابق جنوبی افریقی اوپنر گیری کرسٹن تے سلمان بٹ 52,52اننگز وچ 7ون ڈے سنچریاں کرن دا اعزاز حاصل کر چکے نیں۔ بابر اعظم نے ایس سنچری نال کرکٹ دی 46سالہ تواریخ بدل دتی اے۔
