بھارتی حکومت نے آسٹریلوی کرکٹ ٹیم نوں سکیورٹی دین دی یقین دہانی کروا دتی

نویں دِلی(پاکستان پوائنٹ نیوز11۔اکتوبر2017ء) بھارت دا دورہ کرن والی آسٹریلوی کرکٹ ٹیم دی بس اُتے وٹے مارن دے واقعے مگروں بھارتی کھیڈاں دے وزیر راجا وردھن راٹھور نے آسٹریلوی کھڈاریاں نوں اوہناں دی حفاظت دی یقین دہانی کروائی اے۔ بھارت میڈیا مطابق ایہ واقعہ پچھلے دیہاڑے گوہائی وچ اوس ویلے پیش آیا جدوں آسٹریلوی ٹیم بھارت نوں دوجے ٹی ٹونٹی وچ ہران دے بعد ہوٹل واپس آ رہی سی۔ آسٹریلوی کھڈاری ایران فنچ نے ایس واقعے نوں اپنے ٹویٹ وچ خوفناک قرار دتا۔ اوہناں نے اک تصویر وی پوسٹ کیتی جہدے وچ بس دا شیشہ ٹُٹیا ویکھیا جا سکدا سی۔