پاکستان‘ ساؤتھ افریقہ کرکٹ سیریز دی آس

اسلام آباد(پاکستان پوائنٹ نیوز12۔اکتوبر2017ء) پاکستان تے ساؤتھ افریقہ دیاں کرکٹ ٹیماں وچکار سیریز دی آس پیدا ہو ئی اے۔ ساؤتھ افریقہ دی گلو بل ٹی ٹونٹی ملتوی ہون مگروں ساؤتھ افریقہ کرکٹ ٹیم دی ونڈو خالی اے تے کوئی مصروفیت نہ ہون دی وجہ توں ای پاکستان تے ساؤتھ افریقہ وچکار سیریز دی آس پیدا ہو گئی اے۔ ایس حوالے نال پی سی بی تے کرکٹ ساؤتھ افریقہ وچکار آکلینڈ وچ آئی سی سی اجلاس دی سائیڈ لائنز اُتے مڈھلی گل بات ہوئی اے۔ پی سی بی نے ساؤتھ افریقہ نوں ایہ سیریز پاکستان وچ کھیڈن دی دعوت دتی اے۔ ساؤتھ افریقہ ایس حوالے نال کوئی فیصلا اپنے اجلاس وچ کرے گا۔ امکان ایہو اے کہ ایہ سیریز دسمبر وچ ساؤتھ افریقہ وچ کھیڈی جائے گی۔