عامر دی انجری کارن پاکستان دیاں اوکڑاں وچ وادھا

دبئی(پاکستان پوائنٹ نیوز07۔اکتوبر2017ء) سری لنکا خلاف دوجے ٹیسٹ میچ وچ دمتھ کرونارتنے دی سنچری کارن تے محمد عامردی انجری مسائل نال دو چار ہو گئے نیں۔ میڈیا رپورٹس مطابق دبئی ٹیسٹ دے پہلے دیہاڑے فاسٹ باؤلر محمد عامر دی انجری نے قومی ٹیم دیاں اوکڑاں وچ وادھا کر دتا اے۔ میچ دے پہلے ای دن فاسٹ باؤلر محمد عامر نوں باؤلنگ دوران پیراں وچ پیڑ ہوئی تے اپنا اوور وی ادھ رہ چھڈ کے میدان توں چلے گئے۔ سری لنکا نے تن وکٹاں دے نقصان اُتے 254سکور بنا کے پاکستان خلاف وڈا مجموعی سکور کرن اُتے نظراں رکھیاں لئیاں نیں ،جے محمد عامر نے میچ دے دوجے دن باؤلنگ نہ کیتی تے ٹیم دیاں اوکڑاں وچ وادھا ہو سکدا اے۔ میچ دے پہلے دن عامر نے 16.3اوورز وچ 5میڈن کراند ے ہوئے 59کھا کے اک وکٹ لئی۔