لاہور(پاکستان پوائنٹ نیوز06۔اکتوبر2017ء) قومی ٹیم دے منیجر طلعت علی نے پاکستان کرکٹ بورڈ (پی سی بی) نوں سری لنکا خلاف سیریز دے بعد نویں منیجر دی بھال دا آکھ دتا اے۔ طلعت علی نوں چالو ورھے دورہ ویسٹ انڈیز توں لے کے چیمپئنز ٹرافی تک قومی ٹیم دا منیجر بنایا گیا سی پر سابق چیئرمین پی سی بی شہریار خان دے آکھن اُتے اوہناں نے اپنیاں ذمے واریاں جاری رکھیاں، پر ہن طلعت علی نے پی سی بی نوں دس دتا اے کہ سری لنکا خلاف اوہناں دی ایہ آخری سیریز ہوئے گی۔
ذمے واریاں جاری نہ رکھن دی وجہ طلعت علی نے گھریلو رُجھاں دسیاں نیں۔ وسیلیاں مطابق چیئرمین پی سی بی نجم سیٹھی اپنے پرانے بیلی معین خان نوں ایس عہدے اُتے لیان دے خاہشمند نیں۔ معین خان ایس توں پہلاں وی منیجر بنے سن پر ورلڈ کپ 2015وچ ساہمنے آن والے کسینو سکینڈل مگرو ں اوہناں نوں عہدے توں ہٹا دتا گیا سی۔
