لاہور(پاکستان پوائنٹ نیوز16۔ستمبر2017ء) پاکستان کرکٹ بورڈ نے متحدہ عرب امارات وچ شیڈول دو ٹیسٹ میچاں دی سیریز دے سلسلے وچ لائے جان والے کیمپ لئی 18کھڈاریاں دے ناواں دا اعلان کر دتا اے۔ تفصیل مطابق کھڈاریاں دے ناواں دا اعلان پی سی بی دے چیف سلیکٹر انضمام الحق دی سربراہی وچ کم کرن والی سلیکشن کمیٹی نے کیتا۔ پاکستان کرکٹ بورڈ مطابق وکٹ کیپر و بلے باز سرفراز احمد ٹیسٹ سیریز وچ ٹیم دی قیادت کرن گے جدکہ عثمان الدین‘ بلال آصف تے امیر حمزہ نوں پہلی وار ٹیم دا حصہ بنایا گیا اے۔
کیمپ بلائے جان والے ہور کھڈاریاں وچ محمد عامر‘ محمد عباس‘ وہاب ریاض‘ حسن علی‘ محمد رضوان‘ یاسر شاہ‘ محمد اصغر‘ سمیع اسلم‘ بابر اعظم‘ اسد شفیق‘ حارث سہیل‘ اظہر علی‘ شان مسعود تے احمد شہزاد شامل نیں۔ ٹریننگ کیمپ 19ستمبر توں 23ستمبر تیکر قذافی سٹیڈیم وچ جاری رہوے گا جدکہ دوویں ٹیماں وچکار ٹیسٹ سیریز 28ستمبر توں شروع ہوئے گی۔
