احمد شہزاد نے شعیب ملک دی ’خاہش‘ پوری کر دتی

لاہور(پاکستان پوائنٹ نیوز16۔ستمبر2017ء) قومی ٹیم دے اوپننگ بلے باز احمد شہزاد نے سابق کپتان شعیب ملک دی ’خاہش‘ پوری کر دتی اے۔ تفصیل مطابق شعیب ملک نے ’آزادی کپ‘ دے دوجے میچ وچ 39سکور دی اننگز کھیڈدے ہوئے پاکستان لئی بُہتے ٹی ٹونٹی سکور کرن دا اعزاز اپنے ناں کیتااے۔ میچ دے آخیر اُتے شعیب ملک نے سوشل میڈیا ویب سائٹ ٹویٹر اُتے لکھیا کہ ’لاہور تُسیں گریٹ او‘ اج تہاڈی سپورٹ نے میرے سنے سارے پاکستانی کھڈاریاں نوں بہت حوصلا دتا‘ ایہ سبھ حقیقت لگ رہیا اے“شعیب ملک دے ایس ٹویٹ اُتے قومی ٹیم دے اوپنر احمد شہزاد نے جواب وچ ٹویٹ کر دے ہوئے لکھیا کہ ”لاہور تے گریٹ ہے ای پر تُسیں وی گریٹ او‘ ایس تاریخی سریز وچ کیہ شاندار کارنامہ انجام دتا اے‘ بہت بہت مبارک باد شعیب بھائی“ ری ٹویٹ وچ شعیب ملک نے احمد شہزاد اُتے ’مِٹھا طنز کردے ہوئے آکھیا کہ ”شکریہ بھائی‘ کدی مینوں وی موقع دیو تہانوں گریٹ بولن دا“یاد رہوے کہ پچھلے دیہاڑے احمد شہزاد نے ورلڈ الیون خلاف آخری ٹی ٹونٹی وچ 89سکور دی شاندار اننگز کھیڈ کے پاکستان نوں جتوان وچ اہم کردار ادا کیتا سی۔