ٹی 20گلوبل لیگ: وہاب ریاض مہنگے ترین پاکستانی کھڈاری بن گئے

ڈربن(پاکستان پوائنٹ نیوز28۔اگست2017ء) جنوبی افریقا وچ ہون والی ٹی 20گلوبل لیگ وچ فاسٹ باؤلر وہاب ریاض سبھ توں مہنگے پاکستانی کھڈاری بن گئے۔تفصیل مطابق گلوبل لیگ ٹی 20وچ کھڈاریاں دی ڈرافٹنگ مکمل کر لئی گئی۔ 16راؤنڈز وچ پاکستان دے 9کھڈاریاں نوں مختلف ٹیماں وچ چُنیا گیا۔ وہاب ریاض پاکستان دے سبھ توں مہنگے پلیئر رہے۔ اوہناں نوں اک لکھ پندرھاں ہزار ڈالر ملن گے ۔ گلوبل لیگ کھیڈن والے ہور پاکستانی کھڈاریاں وچ عمر اکمل تے انور علی نوں اک اک لکھ، عماد وسیم نوں 85ہزار، محمد حفیظ نوں 75ہزار، یاسر شاہ نوں 60 تے فخر زمان نوں 65ہزار ڈالر ملن گے۔