پاک بھارت کبڈی میچ: پاکستانی ٹیم نے بھارت نوں ہرا دتا

بریڈ فورڈ(پاکستان پوائنٹ نیوز28۔اگست2017ء) برطانیہ دے شہر بریڈ فورڈ وچ پاکستان تے بھارت دے کلباں دیاں ٹیماں وچکار کبڈی میچ کھیڈیا گیا جو پاکستانی ٹیم نے جِت لیا۔ میچ شروع ہون توں پہلے پاکستانی کھڈاریاں نے پاکستان زندہ باد دے نعرے لائے۔ ایس میچ نوں ویکھن لئی لوکاں دی وڈی گنتی برطانویہ بھر توں آئی۔ پاکستان دی جت اُتے نوجواناں نے ٹیم دے کپتان عمران مانی نوں مونڈھیاں اُتے چُک کے بھنگڑے پائے۔میچ دے آخیر تے ممبر طانوی پارلیمنٹ بیرسٹر عمران حسین تے میئر بریڈ فورڈ عابد حسین جماعتی نے کھڈاریاں وچ انعام ونڈے۔چیتے رہوے کہ پچھلے ورھے وی پاکستانی کھڈاریاں نے انڈیا نوں ہرایا سی۔