لاہور(پاکستان پوائنٹ نیوز16۔اگست2017ء) چیمپئنز ٹرافی توں ڈراپ ہون والے قومی ٹیم دے مڈل آرڈر بلے باز عمر اکمل نے ٹیم دے ہیڈ کوچ مکی آرتھر تے الزام لاندے ہوئے آکھیا کہ مکی آرتھر نے مینوں گالھاں کڈھیاں، کوچنگ سٹاف وی اوہناں نال رلیا ہویا سی۔تفصیل مطابق چیمپئنز ٹرافی توں ڈراپ ہون والے قومی ٹیم دے مڈل آرڈر بلے باز عمر اکمل نے ٹیم دے ہیڈ کوچ مکی آرتھر تے الزام لاندے ہوئے آکھیا کہ مکی آرتھر نے مینوں گالھاں کڈھیاں۔
عمر اکمل دا میڈیا نال گل بات کرد ے ہوئے کہنا سی کہ جدوں اوہ ٹریننگ کرن نیشنل کرکٹ اکیڈمی گئے تے ٹرینر نے اوہناں نوں ٹریننگ توں روک دتا۔ جہدے مگروں اوہ شکایت لے کے ہیڈ کوچ مکی آرتھر کول گئے جہناں کلب کرکٹ کھیڈن دا آکھن دے نال نال گالھاں کڈھیاں جو چیف سلیکٹر انضمام الحق نے وی سُنیاں۔ اوہناں دا کہنا سی کہ کوچنگ سٹاف وی مکی آرتھر نال رلیا ہویا اے۔ مینوں ناجائز وارننگ دے کے ٹیم وچوں کڈھیا گیا۔ دوجے پاسے مکی آرتھر نے عمر اکمل دے الزاماں نوں رد کر دتا اے۔
