عمر اکمل نوں گالھاں نہیں کڈھیاں، کھڈاریاں نوں صرف اپنی کارکردگی بہتر بنان دا آکھیا: مکی آرتھر

لاہور(پاکستان پوائنٹ نیوز16۔اگست2017ء) مکی آرتھر دا کہنا اے کہ اوہناں نے عمر اکمل نوں کسے قسم دیاں گالھاں نہیں کڈھیاں، کھڈاریاں نوں صرف اپنی کارکردگی بہتر بنان دا آکھیا۔ تفصیل مطابق عمر اکمل ولوں الزام لایا گیا اے کہ قومی کرکٹ ٹیم دے کوچ مکی آرتھر نے اوہناں نوں نیشنل کرکٹ اکیڈمی وچ آن تے ساریاں ساہمنے گالھاں کڈھیاں۔ ایس حوالے نال ہن مکی آرتھر ولوں ردعمل دتا گیا اے۔ مکی آرتھر نے وضاحت کیتی اے کہ اوہناں نے عمر اکمل نوں کوئی گالھاں نہیں کڈھیاں۔ اوہناں دا کہنا سی کہ کھڈاریاں نوں صرف اپنی کارکردگی بہتر بنان دا آکھیا ۔ ایس حوالے نال سابق کپتان و عظیم کھڈاری وسیم دا کہنا اے کہ عمر اکمل نے اپنے پیراں تے آپ کہواڑی مار لئی اے۔