معین علی 79ورھیاں مگروں ٹیسٹ ہیٹرک کرن والے پہلے برطانوی سپنر بن گئے

اوول(پاکستان پوائنٹ نیوز31۔جولائی 2017ء) برطانوی آف سپنر معین علی 79ورھیاں مگروں ٹیسٹ ہیٹرک کرن والے پہلے انگلش سپن باؤلر بن گئے۔ جنوبی افریقا خلاف اوول کرکٹ گراؤنڈ وچ کھیڈی گئی سیریز دے تیجے ٹیسٹ دے آخری دیہاڑے مین علی نے پہلا پر وٹیز اوپنر ڈین ایلگر تے فیر کگیسو ربادا نوں سلپ وچ کیچ آؤٹ کروایا تے فیر اپنے اگلے اوور دی پہلی گیند تے مورنے مورکل خلاف ایل بی ڈبلیو دی زور دار اپیل کیتی جہنوں امپائر نے رد کر دتا۔معین علی نے انگلینڈ دے امپائر دا فیصلا چیلنج کیتا تے ری پلیز وچ گیند وکٹاں نال وجی تے ایس طرحاں اوہناں دی ہیٹٹرک ہو گئی۔چیتے رہوے کہ ایس توں پہلاں سابق برطانوی آف سپنر ٹام گوڈرڈ نے 1938وچ جنوبی افیریقا خلاف ای ہیٹرک کیتی سی۔