آفریدی نے ویرات کوہلی ولوں ملن والی شرٹ نیلام کر دتی

لندن(پاکستان پوائنٹ نیوز31۔جولائی 2017ء) قومی ٹیم دے سابق آل راؤنڈر شاہد آفریدی نے بھارتی کپتان ویرات کوہلی ولوں ملن والی ٹی شرٹ نیلام کر دتی۔ تفصیل مطابق ویرات کوہلی نے پچھلے ورھے انٹرنیشنل کرکٹ توں ریٹائرہون والے قومی ٹیم دے سابق کپتان شاہد آفریدی دی فاؤنڈیشن نوں اک شرٹ تحفے وچ دتی سی جہدے تے بھارتی کھڈاریاں دے سائن وی سن۔ شاہد آفریدی نے ایس تحفے تے ویرات کوہلی دا شکریا ادا کیتا سی تے ہن آل راؤنڈر نے اپنی فاؤنڈیشن لئی امداد اکٹھی کرن خاطر شرٹ نوں 4300یوروز‘ پاکستانی تقریبن 5لکھ رُپئے وچ نیلام کر دتا اے۔