لاہور(پاکستان پوائنٹ نیوز27۔جولائی 2017ء) قومی ٹیم دے وکٹ کیپر و بلے باز کامران اکمل نے الزام لایا اے کہ سابق ہیڈ کوچ وقار یونس دیاں غلط پالیسیاں دی وجہ توں پاکستان کرکٹ دو‘ تن سال پچھانہ چلی گئی اے۔ نجی ٹی وی نال گل بات کردے ہوئے کامران دا کہنا سی کہ وقار یونس اک ناکام کوچ سن تے اوہناں نے پاکستان کرکٹ نوں بہت نقصان پہنچایا‘ تجربے کرن دے شوق وچ اوہناں نے جوش وچ آکے ٹیم دے اہم کھڈاریاں نوں سائیڈ لائن کر کے پاکستان کرکٹ نوں دو توں تن سال پچھانہ دھک دتا۔
کامران اکمل دا ہور کہنا سی کہ اوہناں نوں تے پتا نہیں پر وقار یونس دے کئی کھڈاریاں نال تعلقات چنگے نہیں سن تے اوہ نہیں جاندے سن کہ پاکستان کرکٹ نوں اگانہ کیویں لیجانا اے‘ ایہدا واضح ثبوت ورلڈ کپ 2015وچ نظر آیا جدوں اوہناں نے یونس خان نوں اوپننگ کرن دا آکھیا تے وکٹ کیپر و بلے باز سرفراز احمد نوں کئی اہم میچاں وچ نہیں کھڈایا۔
