میرے موکل تے ودھ توں ودھ 6مہینیاں دی پابندی لگ سکدی اے: وکیل شرجیل خان

لاہور(پاکستان پوائنٹ نیوز26۔جولائی 2017ء) قومی ٹیم دے اوپننگ بلے باز شرجیل خان دے وکیل شیغان اعجاز نے دعوا کیتا کہ اوہناں دے موکل تے عمر بھر لئی کرکٹ کھیڈن دی پابندی دا کوئی امکان نہیں اے۔ میڈیا نال گل بات کردے ہوئے شیغان اعجاز دا کہنا سی کہ اوہناں نے تن رکنی پی سی بی اینٹی کرپشن ٹریبیونل ساہمنے شرجیل خان دا کیس چنگے طریقے نال لڑیا اے تے ٹریبیونل ودھ توں ودھ اوہناں دے موکل نوں 6مہینیاں دی پابندی دی سزا سنا سکدا اے۔ شیغان اعجاز دا ہور کہنا سی کہ برطانوی نیشنل کرائم ایجنسی دے آپریشنز منیجر اینڈریو ایفگریونے سکائپ تے اپنا بیان ریکارڈ کروا دتا اے پر اوہ وی شرجیل خان خلاف پکا ثبوت نہیں اے۔