نوجوان پاکستانی فاسٹ باؤلر حسن علی دے ستارے عروج تے

لاہور(پاکستان پوائنٹ نیوز21۔جولائی 2017ء) حسن علی دا کیربئین ٹی ٹونٹی لیگ نال سمجھوتا ہو گیا اے۔ تفصیل مطابق چیمپئنمز ٹرافی وچ مین آف دی ٹورنامنٹ رہن والے نوجوان پاکستانی فاست باؤلر حسن علی دے ستارے عروج تے نیں۔ حسن علی نال دنیا بھر دیاں ہور ٹی ٹونٹی لیگز سمجھوتا کرن دیاں خاہشمند نیں جدکہ بی پی ایل مگروں ہن کیربیئن ٹی ٹونٹی لیگ نال وی حسن علی دا سمجھوتا ہوگیا اے۔ حسن علی کیربیئن ٹی ٹونٹی لیگ وچ سینٹ کٹس دی نمائندگی کرن گے۔ حسن علی تے سینٹ کٹس وچکار اک سال دا سمجھوتا ہو گیا اے۔ سی پی ایل دے میچ امریکا دی ریاست فلوریڈا وچ کھیڈے جان گے جہدے لئی حسن علی نے ویزے دی درخاست وی دے دتی اے۔