بروڈا(پاکستان پوائنٹ نیوز18۔جولائی2017ء) بھارتی ٹیم دے فاسٹ باﺅلر عرفان پٹھان نوں بیوی نال سیلفی پوسٹ کرنا مہنگا پے گیا، سوشل میڈیا ورتیندڑاں نے فاسٹ باﺅلر دی تصویر غیر اسلامی قرار دے دتی۔ تفصیل مطابق 32ورھیاں دے عرفان پٹھان کرکٹ دی دنیا وچ اپنی سوئنگ لئی مشہور نیں تے ایس ویلے بھارتی ٹیم وچ واپسی دیاں کوششاں وچ رُجھے نیں۔ پچھلے دِنا ای اوہناں نے اپنے فیس بک پیج اُتے اپنی تے بیوی صفاءبیگ دی تصویر لا کے لکھیا کہ ایہ کُڑی مصیب وچ اے۔
عرفان دی لائی ایس تصویر نے اوہناں دے کئی چاہیواناں نوں ناراض کیتا۔ اوہناں دے کئی چاہیواناں دا کہنا سی کہ فاسٹ باﺅلر ولوں اپنی بیوی دی تصویر سوشل میڈیا تے لانا غیر اسلامی اے۔ عرفان پٹھان نے فروری 2016وچ مکہ مکرمہ وچ صفاءبیگ نال منگنی دا اعلان کیتا سی تے اوہناں دے نکاح اُتے وی صرف لاگے دے رشتے دار گئے سن۔
