بھارتی فاسٹ باﺅلر محمد شامی دے گھر اُتے حملا، پیسر تے گھر والے محفوظ رہے

بھارتی فاسٹ باﺅلر محمد شامی دے گھر اُتے حملا، پیسر تے گھر والے محفوظ رہے

کولکتہ(پاکستان پوائنٹ نیوز18۔جولائی2017ء) بھارتی ٹیم دے فاسٹ باﺅلر محمد شامی تے اوہناں دے گھر والیاںاُتے ہفتے دی رات نامعلوم بندیاں نے حملا کر دتا۔ تفصیل مطابق کولکتہ دے رہائشی 28ورھیاں دے فاسٹ باﺅلر اپنی بیوی نال گھر واپس پرت رہے سن کہ اک نوجوان اوہناں دی گڈی تھلے آن توں وال وال بچیا۔نوجوان تے شامی دے ڈرائیور وچ گل لڑائی تیکر جا پہنچی پر فاسٹ باﺅلر نے گڈی توں لتھ کے معاملا سلجھان دی کوشش کیتی جدکہ ایس دوران محلے داراں وی اوہناں نوں پہچان کے معاملا رفع دفع کروا دتا، جہدے مگروں شامی تے اوہناں دا ڈرائیور گڈی وچ بہ کے چلے گئے۔

مقامی نوجوان نے ہار منن توں انکار کردے ہوئے اپنے ساتھیاں نوں اکٹھا کیتا تے محمد شامی دے گھر اندر وڑن دی کوشش کیتی۔ جواب وچ شامی دی بیوی حسین جہان نے پولیس نوں فون کر دتا۔ بھارتی میڈیا مطابق پولیس نے شامی دے گھر وڑن دی کوشش کرن والے بندیاں نوں گرفتار کر لیا اے۔