کراچی(پاکستان پوائنٹ نیوز29۔جون2017ء) چیمپئنز دے چیمپئن بن کے دیس واپس آن والے قومی ٹیم دے کپتان سرفراز احمد دے ایونٹ دوران بیوی نال جھیڑے دا انکشاف ہویا اے۔ نجی ٹی وی دے پروگرام وچ ٹیلیفونک گل بات کردے ہوئے سرفراز احمد دی بیوی نے دسیا کہ ایونٹ وچ پہلا میچ ہارن مگروں ٹیم اُتے دباءبہت ودھ گیا سی اجیہی صورتحال وچ سرفراز احمد وی پریشان سی تے ایس دوران مینوں وی بہت جھڑکاں پئیاں۔
ایس گل اُتے مجمان نے ہسدے ہوئے سوال کیتا کہ میدان وچ کھڈاری شکایت کردے نیں تے ہن تُسیں وی شکایت کر رہے او، سرفراز انے تہانوں کیوں جھڑکیا؟ خوش بخت سرفراز نے آکھیا کہ میں اپنے لئی سرفراز احمد توں ویلا منگیا سی جہدے اُتے سرفراز نے مینوں جھڑکیا۔ مجمان نے فیر سوال کیتا کہ باہرلے ملکاں دے دوریاں دوران کھڈاری اپنیاں بیویاں نوں ٹائم کیویں دے سکدے نیں؟ سرفراز دی بیوی نے جواب و چ آکھیا کہ لوکاں نوں سمجھنا چاہیدا کہ کھڈاری گھراں وچ نہیں ہوندے تے اسیں آپ اوہناں نال ملن ٹُر آﺅندیاں آں۔
