لاہور (پاکستان پوائنٹ نیوز13۔اگست 2016ء) انگلینڈ خلاف ون ڈے سیریز لئی اعلان کر دہ ٹیم دے 6 کھڈاری انگلینڈ روانا ہو گئے۔ انگلینڈ جان والے کھڈاریاں وچ عمر گل، بابر اعظم، شرجیل خان، عماد وسیم، حسن علی تے محمد نواز شامل نیں۔ تفصیل دے مطابق انگلینڈ خلاف ون ڈے ٹیم وچ شامل عمر گل، بابر اعظم شرجیل خان، عماد وسیم، حسن علی تے محمد نواز برطانیا چلے گئے نیں۔
قومی ون ڈے کرکٹ ٹیم دے چھ کھڈاری ہفتے دی سویر دبئی دے رستے انگلینڈ روانا ہو گئے نیں۔قومی ون ڈے کرکٹ ٹیم ائر لینڈ خلاف دو تے انگلینڈ وچ 5 ون ڈے میچ کھیڈے گی۔ انگلینڈ خلاف 15 رکنی ون ڈے ٹیم دے 8 کھڈاری پہلے ای انگلینڈ وچ موجود نیں جہناں وچ کپتان اظہر علی، نائب کپتان سرفراز احمد، محمد رضوان، وہاب ریاض، محمد عامر، سمیع اسلم، محمد حفیظ تے یاسر شاہ شامل نیں۔
