ٹیسٹ رینکنگ: پاکستان دے 111 پوائنٹس، تیجے نمبر اُتے آگیا

لندن (پاکستان پوائنٹ نیوز15۔اگست 2016ء) انگلینڈ خلاف اوول ٹیسٹ وچ کامیابی تے سیریز برابر کرن دے بعد پاکستان دے رینکنگ پوائنٹس 111 ہو گئے نیں پر اوہ اجے تیکر تیجے نمبر اُتے موجود اے۔ موجودہ رینکنگ سسٹم دے شروع ہون دے بعد گرین کیپس نوں پہلی وار ٹیسٹ کرکٹ دی نمبر ون ٹیم بنن لئی بھارت تے آسٹریلیا دی سیریز دے نتیجے دا انتطار کرنا پئے گا یاد رہوے کہ جے بھارت ویسٹ انڈیز خلاف تے آسٹریلیا کولمبو ٹسیٹ وچ سری لنکا کولوں نہ جِت سکیا تے پاکستان ٹیسٹ رینکنگ وچ ٹاپ تے پہنچ جاوے گا۔ پاکستان نے آخری وار 2003 وچ دُنیا دی نمبرون ٹیسٹ ٹیم بنن دا اعزاز حاصل کیتا سی۔