لندن(پاکستان پوائنٹ نیوز30۔مئی2017ء) چیمپئنزٹرافی دے وڈے ایونٹ دے وڈے مقابلے توں پہلے قومی کرکڑز نے وڈیاں تیاریاں کر لئیاں، حسن علی، حارث سہیل تے فخر زمان نے بھارتی کھڈاریاں نوں ٹارگٹ کر لیا۔ تفصیل مطابق منی ورلڈ کپ دے وڈے کرکٹ مقابلے دی دھوم پین لگی، قومی آل راﺅنڈر حسن علی نے آکھیا اے کہ وڈے میچ وچ بھارتی کپتان ویرات کوہلی اوہناں دے نشانے اُتے نیں۔
گِٹے دی انجری مگروںکم بیک کرن والے حارث سہیل نے آکھیا کہ اوہناں دی فٹنس زبردست اے، روی چندرن ایشوین نوں قابو کرن دا پلان بنا لیا۔ ایس توں وکھ نویں بلے باز فخر زمان نے آکھیا کہ بھارت خلاف میچ دی تیاری کر لئی اے پر آسٹریلیا نال ورام اپ میچ بارش دی نذر ہو جان نال اوہناں دیاں اُمیداں اُتے پانی پھر گیا اے۔ چیتے رہوے کہ آئی سی سی چیمئنز ٹرافی 2017پہلی جون توں شروع ہووے گی جو 18جون تک انگلینڈ وچ جاری رہوے گے جدکہ پاکستان تے بھارت دا میچ 4جون نوں ہووے گا۔
