لاہور(پاکستان پوائنٹ نیوز30۔مئی2017ء) قومی ٹیم دے سابق ہیڈ کوچ وقار یونس نے کرکٹر عمر اکمل نوں تنقید دا نشانا بناندے ہوئے آکھیا کہ عمر اکمل آپ اپنا سبھ توں وڈا دشمن اے۔ اک انٹرویو وچ لیجنڈری فاسٹ باﺅلر دا کہنا سی کہ عمر اکمل آپ اپنا سبھ توں وڈا دشمن اے، اوہ نہ سخت محنت کرنا چاہندا اے تے نہ فٹ ہونا چاہندا اے جو ڈاڈھی شرمندگی دی گل اے، اوہنوں ایسے گل اُتے شرمندا ہونا چاہیدا کہ مکی آرتھر تے ٹیم مینجمنٹ نے اوہنوں چیمپئنز ٹرافی سکواڈ توں باہر کرن دا فیصلا کیتا، مستقبل وچ عمر نوں شیشے وچ ویکھ کے کہنا چاہید اکہ میں ہن سُدھر جاواں گا پر پتا نہیں کہ اوہ انج کر سکدا اے یاں نہیں کیونکہ اوہدے کیریئر اُتے بہت سارے دھبے نیں، ایہو وجہ اے کہ اوہدا ٹیلنٹ کدی نِکھر کے ساہمنے نہیں آیا، اوہنے کدی اپنے ٹیلنٹ نال انصاف نہیں کیتا۔
وقار یونس دا ہور کہنا سی کہ اوہناں دے خیال وچ عمر اکمل بہت خش قسمت اے کہ اوہنوں کوچز، ٹیم مینجمنٹ تے سلیکٹرز نے بار بار موقعے دتے کیونکہ ہر کوئی اوہناں نوں انٹرنیشنل لیول اُتے کامیاب ہوندا ویکھنا چاہندا سی۔ لیجنڈری فاسٹ باﺅلر دے خیال وچ عمر اکمل اپنے حال اُتے خش نیں پر جے اوہناں دی تھاں اوہ ہوندے تے بہت شرمندگی محسوس کردے۔
