دل وچ پُتر دی پیدائش دی ذرا وی خاہش نہیں اے: شاہد آفریدی

کراچی(پاکستان پوائنٹ نیوز25۔مئی2017ء) قومی ٹیم دے سابق کپتان شاہد خان آفریدی نے آکھیا اے کہ دھیاں نے میری قسمت بدل دتی، میرے دل وچ پُتر دی ذرا جہی وی خاہش نہیں اے۔ نجی ٹی وی چینل دے پروگرام وچ گل بات کردے ہوئے شاہد آفریدی دا کہنا سی کہ ساڈے پختون معاشرے وچ دھیاں دا رواج بہتا اے، تُسیں یقین کرو کہ میرے دل و دماغ وچ پُتر دی ذرا جہی وی خاہش پیدا نہیں ہوئی۔ اوہناں دا کہنا سی کہ دھیاں دے حوالے نال نبی دی حدیث وی موجود اے، میں سمجھنا واں کہ میری ہر دھی نال مینوں کُھلیاں اکھاں نال انج لگا جیویں میری قسمت بدل رہی اے۔ شاہد آفریدی دا کہنا سی کہ جہڑے میرے دوست نیں جہناں دے ویاہ ہوئے نیں اوہناں لئی میری ایہو دعا ہوندی اے کہ اوہناں پہلی اولاد دھی ہووے۔