آئی سی سی ٹی ٹونٹی رینکنگ: پاکستان نے بھارت نوں پچھانہ چھڈ دتا

دبئی(پاکستان پوائنٹ نیوز02۔مئی2017ء) آئی سی سی ولوں نویں ٹی ٹونٹی رینکنگ جاری کر دتی گئی اے۔ رینکنگ وچ پاکستان بھارت نوں پچھانہ چھڈدے ہوئے تیجے نمبر اُتے آ گیا۔ تفصیل دے مطابق آئی سی سی ولوں نویں ٹی ٹونٹی رینکنگ جاری کر دتی گئی اے۔ رینکنگ وچ پاکستان بھارت نوں پچھانہ چھڈدے ہوئے تیجے نمبر اُتے آ گیا اے۔نویں ٹی ٹونٹی رینکنگ وچ نیوزی لینڈ 125پوائنٹس نال پہلے، انگلینڈ 121پوائنٹس نال دوجے جدکہ پاکستان 121پوائنٹس نال تیجے، بھارت 5پوائنٹس گھاٹے نال چوتھے، جنوبی افریقا 111 پوائنٹس نال 5ویں، آسٹریلیا 110پوائنٹس نال 6ویں، ویسٹ انڈیز 109پوائنٹس نال 7ویں، سری لنکا 95پوائنٹس نال 8ویں، افغانستان 98پوائنٹس نال 9ویں تے بنگلا دیش 78پوائنٹس نال 10ویں نمبر اُتے آگیا اے۔