باربڈوس(پاکستان پوائنٹ نیوز01۔مئی2017ء) قومی ٹیم دے تجربا کار کھڈاری یونس خان کول اپنے کیریئر دے آخری دو ٹیسٹ میچاں وچ چنگی کارکردگی وکھا کے سابق کپتان عمران خان دا ریکارڈ اپنے ناں کرن دا چنگا موقع اے۔ تفصیل دے مطابق یونس خان ہن تک 10مین آف دی میچ ایوارڈ لے چکے نیں تے سیریز دے باقی دوویں میچاں وچ چنگی کارکردگی وکھا کے مین آف دی میچ ایوارڈ لین مگروں اوہ قومی ٹیم دے سابق کپتان عمران خان نوں پچھے چھڈ سکدے نیں ، جو 88ٹیسٹ میچاں وچ 11مین آف دی میچ ایوارڈ لے کے وسیم اکرم مگروں دوجے نمبر اُتے نیں۔
چیتے رہوے کہ ٹیسٹ کرکٹ وچ 104ٹیسٹ میچ کھیڈ کے پاکستان ولوں 17مین آف دی میچ ایوارڈ لین والے پہلے کھڈاری وسیم اکرم نیں۔ ایسے طرحاں ترتیب وار عمران خان 11، یونس خان 10، انضمام الحق 9، محمد یوسف 7 تے وقار یونس 6وار ایہ ایوارڈ لے چکے نیں۔
