مردان یونیورسٹی وچ مشال دے قتل اُتے شعیب ملک دا پیغام ساہمنے آگیا

لاہور(پاکستان پوائنٹ نیوز15۔اپریل2017ء) مردان دی عبدالولی خان یونیورسٹی وچ پڑھیار مشال خان دے قتل دی خبر سُندے ای مختلف شعبیاں توں تعلق رکھن والے بندیاں نے ہرکھ دا وکھالا کیتا اے۔ تفصیل دے مطابق پاکستان کرکٹ ٹیم دے سابق کپتان شعیب ملک نے مشال دے اُتے قرآن مجید دی آیت دا حوالا دتا اے۔ مائیکرو بلاگنگ ویب سایٹ ٹویٹر قرآن پاک دی آیت دا حوالے دیندے ہوئے اوہناں دا کہنا اے کہ ’جہنے اک انسان نوں قتل کیتاا وہنے ساری انسانیت نوں قتل کیتا تے جہنے اک زندگی بچائی اوہنے ساری انسانیت نوں بچایا‘ سٹار کرکٹر ولوں ایس پیغام اُتے سوشل میڈیا ورتیندڑاں نے وی اوہناں دی حمایت کردے ہوئے مشال دے قاتلاں نوں سزا دین دا مطالبا کیتا اے۔