لاہور(پاکستان پوائنٹ نیوز14۔اپریل2017ء) لاہور ہائی کورٹ نے سپاٹ فکسنگ دے الزام وچ معطل کرکٹر خالد لطیف ولوں پاکستان کرکٹ بورڈ دے اینٹی کرپشن یونٹ دے دائرا کارا نوں چیلنج کرن دی درخاست رد کر دتی۔ تفصیل دے مطابق معطل کرکٹر خالد لطیف نے لاہور ہائی کورٹ وچ درخاست جمع کروائی۔ درخاست وچ کرکٹر نے پی سی بی دے اینٹی کرپشن یونٹ دے دائرا اختیار چیلنج کردے ہوئے آکھیا کہ پی سی بی دا اینٹی کرپشن یونٹ تے ٹریبونل کھڈاریاں خلاف قانونی کارروائی دا حق نہیں رکھدا کیونکہ ایہ پی سی بی دے آئین دی خلاف ورزی اے۔
خالد لطیف نے اپنی درخاست وچ ہور آکھیا کہ پی سی بی دا اینٹی کرپشن یونٹ میرے نال چنگا سلوک نہیں کر رہیا ایس لئی تحقیقات نوں چھیتی روکیا جائے۔ عدالت نے کیس دی سنوائی مگروں خالد لطیف دی درخاست رد کرد ے ہوئے پی سی بی نوں کارروائی جاری رکھن دا حکم دے دتا۔
