فاسٹ باﺅلر محمد عرفان نے پی سی بی دے ینٹی کرپشن یونٹ نوں اپنا بیان ریکارڈ کروا دِتا

لاہور(پاکستان پوائنٹ نیوز13۔مارچ2017ء) قومی ٹیم دے فاسٹ باﺅلر محمد عرفان نے پی سی بی دے اینٹی کرپشن یونٹ نوں اپنا بیان ریکارڈ کروا دِتا اے۔ تفصیل دے مطابق محمد عرفان دا اپنے بیان وچ کہنا سی کہ جس ویلے جواریاں نے اوہناں نال رابطا کیتا ، اوس ویلے اوہناں دے ماں پیو دی طبیعت خراب سی تے اوہناں دے چلانا کرن مگروں اوہ پی سی بی دے اینٹی کرپشن یونٹ نوں جواریاں دے رابطے بارے نہیں دَس سکے۔ وسیلیاں دا کہنا اے کہ محمد عرفان نے جواریاں نوں شٹ اپ کال وی دِتی سی۔ یاد رہوے کہ پی سی بی دے اینٹی کرپشن یونٹ نے سپاٹ فکسنگ کیس وچ تحقیقات لئی فاسٹ باﺅلر نوں اج سَدیا سی۔