لاہور(پاکستان پوائنٹ نیوز10۔مارچ2017ء) آئی سی سی ٹاسک فورس دے سربراہ جائلز کلاک پاکستان آئے تے لاہور وچ سیف سٹی پراجیکٹ تے سکیورٹی انتظامات توں ڈاڈھے مطمئن سن، اوہناں نے فروری وچ ہون والی آئی سی سی بورڈ میٹنگ وچ ارکان نوں اعتماد وچ لیندے ہوئے پی ایس ایل فائنل دے موقعے اُتے اپنے سکیورٹی ماہرین لاہور گھلن دا مشورا دِتا سی جدکہ 5مارچ نوں پشاو رزلمی تے کوئٹہ گلیڈی ایٹرز دا فیصلا کن میچ ویکھن لئی آئی سی سی دے نال انگلینڈ، آسٹریلیا، سری لنکا، بنگلا دیش تے زمبابوے کرکٹ بورڈ دے عہدیدار و سکیورٹی منیجر وی آئے سن۔
دوجے پاسے آئی سی سی ترجمان دا کہنا اے کہ اپریل وچ ہون والے بورڈ اجلاس وچ لاہور اندر فائنل ویکھن دی رپورٹس دا جائزا لتا جائے گا، ارکان پاکستان وچ انٹرنیشنل کرکٹ دی واپسی دے حوالے نال ٹاسک فورس دیاں سفارشاں اُتے ہور گل بات وی کرن گے۔
